கர்ப்பிணி மனைவியை அடித்து கொன்ற அ.தி.மு.க. தலைவர் கைது

கர்ப்பிணி மனைவியை அடித்து கொலை செய்த அ.தி.மு.க. பேரூராட்சி தலைவர் கைது செய்யப்பட்டு சிறையில் அடைக்கப்பட்டுள்ளார்.
தேனி மாவட்டத்தில் உள்ள ஹைவேவிஸ் பேரூராட்சிக்கு உட்பட்ட மணலாறு கிராமத்தைச் சேர்ந்த சுரேஷ், பேரூராட்சி தலைவராக உள்ளார்.

இவருக்கும் மனைவி கற்பகவல்லிக்கும் 2 பெண் குழந்தைகள் உள்ள நிலையில் கற்பகவல்லி மீண்டும் கர்ப்பமானார்.

இந்நிலையில், சுரேஷ் அடிக்கடி மனைவியுடன் தகராறு செய்து வந்துள்ளார்.

வியாழக்கிமை இரவு இருவருக்கும் தகராறு ஏற்பெற்ற போது கற்பகவல்லி கீழே விழுந்ததாக தேனி அரசு மருத்துவமனை கல்லூரியில் சிகிச்சைக்காக அனுமதித்தனர். அங்கு அவர் சிகிச்சை பலனின்றி பரிதாபமாக உயிரிழந்துள்ளார்.

கற்பகவல்லி மரணத்தில் சந்தேகம் இருப்பதாக அவருடைய தந்தை காவல்நிலையத்தில் புகார் அளித்துள்ளார்.

இதையடுத்து விசாரணையில், இருவருக்கும் தகராறு நடந்தபோது கற்பகவல்லி தாலிக் கொடியை நெருக்கியதாகவும், கீழே விழுந்த மனைவியின் வயிற்றில் ஓங்கி உதைத்ததில் அவர் மயக்கமடைந்ததாகவும் தெரிவித்துள்ளார்.

பின்னர் அவர் மீது கொலை வழக்கு பதிவு செய்து, உத்தமபாளையம் நீதிமன்றத்தில் ஆஜர்படுத்தி, மதுரை மத்திய சிறையில் அடைத்துள்ளனர்.