காதைப் பிடித்து மன்னிப்பு கேட்ட அமைச்சர்: ஆச்சரியத்தில் மக்கள்

ஜெய்ப்பூரில் புகார் கூட்டம் ஒன்றிற்கு தாமதமாக வந்த பாஜக அமைச்சர் மன்னிப்பு கோரிய விதம் ஆச்சரியத்தை ஏற்படுத்தியுள்ளது.
பாஜக சார்பாக ஜெய்பூரில் நடைபெற்ற கருத்து கேட்பு மற்றும் புகார் தெரிவிக்கும் கூட்டத்திற்கு கலந்து கொள்ள வந்த கட்சியின் நிர்வாகிகள் அனைவரும் காலதாமதமாக வந்தனர்.

இவர்கள் மட்டுமல்லாமல் ராஜஸ்தான் சுகாதார துறை அமைச்சர் ராஜேந்திர ரத்தோரும் தாமதமாக வந்தார்.

இதனையடுத்து அவர் தாமதமாக வந்ததற்கு தனது காதுகளை பிடித்து மக்கள் மற்றும் கட்சி நிர்வாகிகளிடம் மன்னிப்பு கோரினார்.

இதுகுறித்து, நாங்கள் நேரம் தவறாமையை கடைபிடிக்க முயற்சி செய்கிறோம். எங்கள் அமைச்சரின் மன்னிப்பு கேட்ட பாங்கு மக்களுக்கான எங்கள் கட்சியின் அர்ப்பணிப்பை காட்டுகிறது என கட்சி நிர்வாகிகள் தெரிவித்தனர்.

இந்த கூட்டத்தில் விவசாய துறை அமைச்சர் மற்றும் சுற்றுலா வளர்ச்சி துறை அமைச்சரும் கலந்து கொண்டனர்.