ஜனாதிபதியின் உரையை கேட்ட போது கெட்ட வார்த்தை கொட்டிக்கொண்டு வந்தது: ஜனக பண்டார

எதிர்வரும் பொது தேர்தலின் போது ஸ்ரீலங்கா சுதந்திர கட்சி வெற்றிக்கு தலையிட மாட்டேன் என கூறி சமீபத்தில் ஜனாதிபதி மைத்திரிபால சிறிசேன நாட்டிற்கு உரையாற்றிய போது மனதில் கெட்டவார்த்தைகள் கொட்டிக்கொண்டு வந்ததாக சுதந்திர கட்சியின் சிரேஷ்ட உப தலைவர் ஜனக பண்டார தென்னகோன் தெரிவித்துள்ளார்.
தம்புள்ளை பிரதேசத்தில் இடம்பெற்ற ஸ்ரீலங்கா சுதந்திர கட்சி கூட்டம் ஒன்றில் கலந்துகொண்டு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.

ஜனாதிபதியினால் ஆற்றிய உரையினை உடனடியாக இரத்து செய்துகொள்ள வேண்டும் எனவும் அவ் உரையினை வன்மையாக கண்டிப்பதாக கூறப்படும் யோசனை இதன்போது ஒரு மனதாக நிறைவேற்றப்பட்டுள்ளது.

ஸ்ரீலங்கா சுதந்திர கட்சியை உயிராக பாதுகாக்க வேண்டும் எனவும் கட்சிக்கு பாதிப்பு ஏற்படுமென்றால் எந்த ஒரு முடிவுக்கும் வருவதற்கு தான் தயார் என அவர் கூறியுள்ளார்.

ஜனாதிபதி மைத்திரிபால சிறிசேன சமீபத்தில் ஆற்றிய உரையினை கேட்டுக்கொண்டிருந்த போது தனக்கு கெட்டவார்தை கொட்டிக்கொண்டு வந்ததாக ஜனக பண்டார மேலும் குறிப்பிட்டுள்ளார்.