எங்கே போகிறது இலங்கை…?

இலங்கை பல்கலைக்கழகங்கள், சர்வதேச பாடசாலைகள் மற்றும் பிரபல பாடசாலைகளில் பயிலும் மாணவிகளில் பலர் தமது விரும்பத்தின் பேரில் ஆபாச படங்களில் தோன்றுவது அதிகரித்துள்ளதாக குற்றப்புலனாய்வு திணைக்கள தகவல்கள் தெரிவிக்கின்றன.
இவ்வாறான சம்பவங்கள் குறித்து பல முறைப்பாடுகள் கிடைத்துள்ளதாகவும் அந்த முறைப்பாடுகள் தொடர்பில் விசாரணைகள் ஆரம்பிக்கப்பட்டுள்ளதாகவும் திணைக்களத்தின் அதிகாரி ஒருவர் கூறியுள்ளார்.

அத்துடன் பாடசாலையில் பயிலும் வயதுடைய பெண் பிள்ளைகள் நிர்வாண படங்கள் சம்பந்தமாக 20க்கும் மேற்பட்ட முறைப்பாடுகள் கிடைத்துள்ளதுடன் இது குறித்து விசாரணைகளை நடத்தி வருவதாகவும் குற்றப் புலனாய்வு திணைக்கள தகவல்கள் கூறுகின்றன.

இந்த புகைப்படங்களில் பெரும்பாலான புகைப்படங்கள் வெப் கெமராக்கள், மூலமாகவும் செல்ஃபி படங்களாகவும் எடுக்கப்பட்டுள்ளன.

இப்படியான புகைப்படங்கள் பேஷ்புக் சமூக வலைத்தளம் மற்றும் ஸ்கைப் தளங்களில் பதிவேற்றப்பட்டுள்ளதாகவும் சம்பந்தப்பட்ட யுவதிகளுடன் தொடர்புகளை வைத்திருந்த நபர்களே பெரும்பாலும் இந்த படங்களை பதிவேற்றியுள்ளதாக தெரியவந்துள்ளது எனவும் குற்றப் புலனாய்வு திணைக்களம் குறிப்பிட்டுள்ளது.