கூட்டணி குறித்து பேசுவதற்கு சந்திரிக்காவுக்கு அதிகாரம் கிடையாது: சுசில்

ஐக்கிய மக்கள் சுதந்திர கூட்டணி குறித்து எந்த வகையிலும் பேசுவதற்கும் முன்னாள் ஜனாதிபதி சந்திரிக்கா குமாரதுங்கவுக்கு அதிகாரம் கிடையாதென கூட்டணியின் பொது செயலாளர் சுசில் பிரேமஜயந்த தெரிவித்துள்ளார்.
ஸ்ரீலங்கா சுதந்திர கட்சியின் தலைமையகத்தில் இடம்பெற்ற செய்தியாளர் சந்திப்பில் கலந்து கொண்டு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.

முன்னாள் ஜனாதிபதி மஹிந்த ராஜபக்சவுக்கு வேட்பு மனு வழங்க ஜனாதிபதி மைத்திரிபால சிறிசேன தீர்மானித்துள்ளது குறித்து தனக்கு அறிவிக்கவில்லை என முன்னாள் ஜனாதிபதி சந்திரிக்கா குமாரதுங்க கூறியமை தொடர்பில் ஊடகவியலாளர்கள் சுசில் பிரேம ஜயந்தவிடம் கேள்வி எழுப்பியுள்ளனர்.

அதற்கு பதிலளிக்கும் வகையில், முன்னாள் ஜனாதிபதி சந்திரிக்கா குமாரதுங்வுக்கு ஐக்கிய மக்கள் சுதந்திர கூட்டணியுடன் எவ்வித சம்பந்தமும் கிடையாதென அவர் கூறியுள்ளார்.

எனவே அவருக்கு கூட்டணியை குறித்து பேசுவதற்கும் எவ்வித அதிகாரமும் கிடையாதென அவர் மேலும் குறிப்பிட்டுள்ளார்.