கொடுத்த வாக்குறுதிகளில் இருந்து பின்வாங்குவதில்லை: ரணில்

நாட்டின் பயணத்தை மாற்றுவதாக ஜனாதிபதி தேர்தலின் போது தானும் ஜனாதிபதியும் அறிவித்ததாகவும், மக்கள் ஆதரவை பெற்றுக்கொண்டதும் அதற்காகவெனவும் பிரதமர் ரணில் விக்ரமசிங்க தெரிவித்துள்ளார்.
தற்போதைய அரசியல் நிலை குறித்து தனது டுவிட்டர் கணக்கில் பதிவி செய்யும் போது இவ்வாறு குறிப்பிட்டுள்ளார்.

இதேவேளை, தான் கொடுத்த வாக்குறுதிகளில் இருந்து பின்வாங்குவதில்லை என சுட்டிக்காட்டியுள்ளார்.

ஒவ்வொரு கட்சிகளினும் வேட்பு மனு தொடர்பில் தனக்கு ஆர்வமில்லை எனவும் மக்கள் தங்களுக்கு அவசியமானவர்களை தெரிவு செய்வார்கள் எனவும் அவர் கூறியுள்ளார்.

இதேவேளை ஸ்ரீலங்கா சுதந்திர கட்சியின் சிரேஷ்டரான எஸ்.பீ.நாவின்னவை ஐக்கிய தேசிய கட்சிக்கு அன்புடன் வரவேற்பதாகவும், மேல் மாகாணத்தில் தேர்தலின் போது அவரால் பாரிய நடவடிக்கைகள் மேற்கொள்ளப்பட்டுள்ளதாகவும் பிரதமர் ரணில் விக்ரமசிங்க மேலும் குறிப்பிட்டுள்ளார்.