வறிய மாணவனுக்கு துவிச்சக்கர வண்டி வழங்கிய யோகேஸ்வரன்!

மட்டக்களப்பு மாவட்ட தமிழ் தேசியக் கூட்டமைப்பின் முன்னாள் நாடாளுனமன்ற உறுப்பினர் சீனித்தம்பி யோகேஸ்வரன் தனது சொந்த நிதியில் வறிய மாணவனுக்கு துவிச்சக்கர வண்டியொன்றை வழங்கியுள்ளார்.

வாழைச்சேனை பிரதேச செயலாளர் பிரிவிலுள்ள யூனியன் கொலனியில் வசிக்கும் ஜே.சுஜீவகாந் என்ற உயர்தரத்தில் கல்வி பயிலும் மாணவன் பாடசாலைக்கு செல்வதில் பெரும் சிரமத்தை எதிர்கொண்டிருந்தார்.

இவரின் நிலைமையைக் கண்ட முன்னாள் நாடாளுமன்ற உறுப்பினர் சீனித்தம்பி யோகேஸ்வரன் தனது சொந்த நிதி மூலம் நேற்று மாலை துவிச்சக்கர வண்டியொன்றை வழங்கியுள்ளார்.

இதன்போது எனது கல்வி நடவடிக்கைக்கு பெரும் உதவி வழங்கிய முன்னாள் நாடாளுமன்ற உறுப்பினருக்கு தனது நன்றிகளைத் தெரிவித்துக் கொள்வதாக குறித்த மாணவன் தெரிவித்துள்ளார்.