கட்சியை விட்டு சென்றவர்களை மீண்டும் இணைத்துக் கொள்வதில்லை: ஐ.தே.க

ஐக்கிய தேசிய கட்சியை விட்டு சென்ற நபர்களை மீண்டும் கட்சி இணைத்துக் கொள்வதில்லை என அக்கட்சியின் உறுப்பினர் லக்ஷ்மன் கிரியெல்ல தெரிவித்துள்ளார்.
கண்டி பிரதேசத்தில் இடம்பெற்ற நிகழ்வில் கலந்துகொண்டு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.

கடந்த காலங்களில் தனிப்பட்ட சுயநலன்களுக்காக பலர் கட்சியை விட்டு சென்று விட்டார்கள்.

ஸ்ரீலங்கா சுதந்திரக் கட்சியின் பலர் தற்போது வரையில் ஐக்கிய தேசிய கட்சியின் ஊடாக எதிர்வரும் பொது தேர்தலில் போட்டியிடுவதற்கு கோரிக்கை முன்வைத்துள்ளார்கள் என அவர் குறிப்பிட்டுள்ளார்.

எனினும் எதிர்வரும் நாட்களில் கட்சியை விட்டு சென்றவர்களை மீண்டும் கட்சியில் இணைத்துக் கொள்ளப்போவதில்லை என அமைச்சர் மேலும் குறிப்பிட்டுள்ளார்.