ராஜிதவை பழுதடைந்த பல்லென விமர்சித்த டிலான்

அமைச்சரவை பேச்சாளர் அமைச்சர் ராஜித சேனாரத்ன, ஐக்கிய தேசிய கட்சியை சேர்ந்த ஒருவர் என நாடாளுமன்ற உறுப்பினர் டிலான் பெரேரா தெரிவித்துள்ளார்.
கொழும்பில் நேற்று இடம்பெற்ற செய்தியாளர் சந்திப்பில் முன்னாள் ஜனாதிபதி மஹிந்த ராஜபக்ஷ எதிர்வரும் பொதுத் தேர்தலில் தேசிய பட்டியலில் இடம்பெறப் போவதில்லை என்று ஜனாதிபதி மைத்திரபால சிறிசேன தெரிவித்ததாக அமைச்சர் ராஜித சேனாரத்ன தெரிவித்திருந்தார்.

இது தொடர்பில் கருத்து வெளியிடும் போதே டிலான் பெரேரா இவ்வாறு குறிப்பிட்டுள்ளார்.

ராஜித சோனாதர்ன போலியான பிரசாரங்களை பரப்பிக்கொண்டு செயற்படுவதாக அவர் கூறியுள்ளார்.

நல்ல பற்களுக்கு இடையில் பழுதடைந்த பற்கள் காணப்படுவது போன்றே ராஜித என அவர் சுட்டிக்காட்டியுள்ளார்.

இது தொடர்பில் கருத்து வெளியிடுவதற்கு ராஜிதவுக்கு எவ்வித அதிகாரமும் கிடையாதென அவர் மேலும் குறிப்பிட்டுள்ளார்.