தென் கொரிய பௌத்த பிக்குகள்-ஜனாதிபதிக்கு இடையில் சந்திப்பு

தென் கொரியாவின் யோரே ஓடர் யக்சாசா பௌத்த விகாரையின் மாநாயக்க தேரர் உட்பட கொரிய பௌத்த பிக்குகள் சிலர் நேற்று முற்பகல் ஜனாதிபதி மைத்திரிபால சிறிசேனவை அவரது செயலகத்தில் சந்தித்துள்ளனர்.
கொரியாவுக்கும் இலங்கைக்கும் இடையில் காணப்படும் நீண்டகால தொடர்புகள் குறித்து இதன் போது நினைவு கூர்ந்துள்ள ஜனாதிபதி, கொரிய அரசாங்கம் இலங்கையின் அபிவிருத்திக்காக வழங்கிய ஒத்துழைப்புகள் பெறுமதியானது என கூறியுள்ளார்.

அத்துடன் இரண்டு நாடுகளின் பௌத்த பிக்குகள் இணைந்து பௌத்த மதத்தை பரப்புவதற்காக மேற்கொண்டு வரும் சேவைகளையும் ஜனாதிபதி பாராட்டியுள்ளார்.

கொரிய பௌத்த விகாரை இலங்கையின் பௌத்த தலங்களின் கட்டிடங்களின் அபிவிருத்தி மற்றும் பாடசாலை மாணவர்களின் கல்வியை மேம்படுத்துவற்கான உதவிகளை வழங்கி வருகிறது.