மகிந்தவின் ஆட்சியில் 60 ஆயிரம் கணனிகள் கொள்வனவு: விசாரணைகள் ஆரம்பம்

மகிந்த ராஜபக்சவின் ஆட்சிக் காலத்தில் கல்வி அமைச்சுக்காக 60 ஆயிரம் கணனிகள் கொள்வனவு செய்யப்பட்டதில் பெரும் நிதி மோசடி இடம்பெற்றுள்ளதாகவும் இது தொடர்பாக விசாரணை நடத்தப்படவுள்ளதாக அமைச்சர் மகில விராஜ் தெரிவித்துள்ளார்.
நாடாளுமன்றில் இது குறித்து தெரிவிக்கும்போதே அமைச்சர் மேற்கண்டவாறு குறிப்பிட்டார்.

அவர் மேலும் தெரிவிக்கையில்,

கணனி ஒன்றை சாதரணமாக 40 ஆயிரம் ரூபாவுக்கும் 50 ஆயிரம் ரூபாவுக்கும் இடையில் வாங்க முடியும்.

ஆனால் கல்வி அமைச்சுக்காக வாங்கப்பட்ட கணனி ஒன்று ஒரு இலட்சத்து 10 ஆயிரம் ரூபாவுக்கு வாங்கப்பட்டதாக கணக்குக் காட்டப்பட்டுள்ளது.

வாங்கப்பட்ட கணனிகள் ஆய்வகங்களுக்கு வழங்கப்பட்டு விட்டன. கணனிகளை அதிக விலைக்கு வாங்குவது மோசடி அல்ல. ஆனால் பெறுமதி குறைந்த கணனிகளே விலைக்கு வாங்கப்பட்டுள்ளன என்றார்.