நிமல் சிறிபால டி சில்வாவின் பிரதமர் ஆசை நிறைவேறாது: சஜித் பிரேமதாச

எதிர்க்கட்சித் தலைவர் நிமல் சிறிபால டி சில்வாவின் பிரதமர் ஆசை நிறைவேறாது என வீடமைப்பு மற்றும் சமுர்த்தி அமைச்சர் சஜித் பிரேமதாச தெரிவித்துள்ளார்.
நிமல் சிறிபால டி சில்வா பிரதமர் ஆகிவிடலாம் என கனவு காண்கின்றார். எனினும் இந்தக் கனவு ஒரு போதும் பலிக்காது.

பகலில் மிகெலாகவும், இரவில் தெனியாலாகவும் அவர் செயற்பட்டு வருகின்றார். (ரே தெனியல் தவல் மிகேல் என்ற சிங்கள திரைப்படத்தின் நகைச்சுவை கதாபத்திரங்களே மிகெல் மற்றும் தெனியல் என்பனவாகும்.)

பகலில் ஜனாதிபதி மைத்திரிபால சிறிசேனவை சந்திக்கும் நிமல் சிறிபால டி சில்வா, இரவில் முன்னாள் ஜனாதிபதி மஹிந்த ராஜபக்சவை சந்திக்கின்றார்.

எதிர்வரும் தேர்தலிலும் ஐக்கிய தேசியக் கட்சி வெற்றியீட்டும்.

விரைவில் அமையவுள்ள புதிய நாடாளுமன்றிலும் ரணில் விக்ரமசிங்கவே பிரதமர், அதனை மாற்ற முடியாது. ரணில் விக்ரமசிங்க எப்படியும் பிரதமர்தான் என சஜித் பிரேமதாச தெரிவித்துள்ளார்.

நாடாளுமன்றில் இன்று உரையாற்றிய போது அவர் இதனைக் குறிப்பிட்டுள்ளார்.