யாழ். வன்முறைகள் தொடர்பில் மேலும் இருவர் கைது! 12ம் திகதி வரை விளக்கமறியல்

புங்குடுதீவு மாணவி படுகொலை தொடர்பாக இடம்பெற்ற ஆர்ப்பாட்டத்தின் போது வன்முறையில் ஈடுபட்ட குற்றச்சாட்டில் மேலும் இருவர் இன்று வெள்ளிக்கிழமை கைது செய்யப்பட்டுள்ளனர்.
குறித்த சந்தேகநபர்கள் இருவரையும் எதிர்வரும் 12ம் திகதிவரை விளக்கமறியலில் வைக்குமாறு யாழ்ப்பாண நீதவான் நீதிமன்ற நீதிபதி பொ.சிவகுமார் உத்தரவிட்டார்.

புங்குடுதீவு மாணவி படுகொலை செய்யப்பட்டதையடுத்து அதன் பின்னர் இடம்பெற்ற வன்முறைச் சம்பவங்களில் ஈடுபட்டவர்கள் எனத் தெரிவித்து இரண்டு இளைஞர்களை பொலிஸார் கைது செய்து இன்று நீதிமன்றில் ஆஜர்ப்படுத்தினர்.

அதன்போதே குறித்த இருவரையும் 1ம் திகதிவரை விளக்கமறியலில் வைக்குமாறு நீதிவான் உத்தரவிட்டார்.

குறித்த சந்தேக நபர்கள் அரியாலை மற்றும் தாவடி பகுதிகளைச் சேர்ந்தவர்கள் எனவும், வீடியோ ஒலிநாடாக்களைக் கொண்டே அவர்கள் கைது செய்யப்பட்டனர் என்றும் பொலிஸார் தெரிவித்துள்ளனர்.