விமல் வீரவன்சவிற்கு எதிராக ரஞ்சன் ராமநாயக்க முறைப்பாடு

முன்னாள் அமைச்சர் விமல் வீரவன்சவிற்கு எதிராக, தற்போதைய பிரதி அமைச்சர் ரஞ்சன் ராமநாயக்க பொலிஸ் நிலையத்தில் முறைப்பாடு செய்துள்ளார்.
மிரிஹான பொலிஸ் நிலையத்தில் நேற்று இந்த முறைப்பாடு செய்யப்பட்டுள்ளது.

விமல் வீரவன்ச தலைமையிலான குழுவொன்று தம்மைப் பற்றிய போலியான அவதூறு செய்திகளை இணையத்தில் பிரச்சாரம் செய்துள்ளதாக ரஞ்சன் ராமநாயக்க முறைப்பாட்டில் தெரிவித்துள்ளார்.

எனது பெயரையும், புகைப்படங்களையும் பயன்படுத்தி எனக்கு சேறு பூசும் வகையில் இந்தப் பிரச்சாரம் மேற்கொள்ளப்படுகின்றது.

பல்வேறு ஊடகங்களில் இலச்சினைகளை போலியாக பயன்படுத்தி ஊடகங்களுக்கு நான் கருத்து வெளியிட்டதாக பிரச்சாரம் முன்னெடுக்கப்படுகின்றது.

விமல் வீரவன்ச இது தொடர்பில் பகிரங்க மேடைகளிலும் பிரச்சாரம் செய்து வருகின்றார் என ரஞ்சன் ராமநாயக்க முறைப்பாட்டில் மேலும் தெரிவித்துள்ளார்.

இணையத்தில் இந்த தகவல்களை பிரச்சாரம் செய்த நபர்களையும் கைது செய்யுமாறு ரஞ்சன் ராமநாயக்க கோரியுள்ளார்.