சஷி வீரவன்ச பொலிஸ் நிதி மோசடி விசாரணைப் பிரிவில் ஆஜர்

தேசிய சுதந்திர முன்னணி தலைவரும், நாடாளுமன்ற உறுப்பினருமான விமல் வீரவன்சவின் மனைவி சஷி வீரவன்ச பொலிஸ் நிதி மோசடி விசாரணைப் பிரிவிற்குச் சென்றுள்ளார்.
காணி கொடுக்கல் வாங்கல் தொடர்பில் வாக்குமூலம் ஒன்றை பெற்றுக்கொள்வதற்காகவே சஷி வீரவன்ச பொலிஸ் நிதி மோசடி விசாரணைப் பிரிவிற்கு அழைக்கப்பட்டுள்ளதாக பொலிஸ் ஊடகப் பேச்சாளர் அலுவலகம் தெரிவித்துள்ளது.

கடந்த 28ம் திகதி பொலிஸ் நிதி மோசடி விசாரணைப் பிரிவிற்கு வருமாறு சஷி வீரவன்ச அழைக்கப்பட்டிருந்த போதும் உடல் நிலை பாதிப்பு காரணமாக அவரால் அன்றைய தினம் விசாரணைப் பிரிவிற்கு வரமுடியாது என தெரிவித்திருந்தார்.

எனினும் அவர் இதற்கமைய இன்றைய தினம் நிதி மோசடி விசாரணைப் பிரிவிற்கு சென்றுள்ளார்.