காந்தி படம் இல்லாமல் புதிதாக அச்சிடப்பட்டுள்ள ரூபாய் நோட்டுக்கள்? வெடிக்கும் சர்ச்சை

by oviya Sun May 31, 2015 3:23 pm

இந்திய ரிசர்வ் வங்கி புதிதாக அச்சிட்டுள்ள பத்து ரூபாய் நோட்டில் காந்தி படம் இல்லை என்று தகவல் வெளியானதால் பெரும் சர்ச்சை ஏற்பட்டுள்ளது.
இந்திய ரூபாய் நோட்டுகளில் மகாத்மா காந்தியின் படம் 1996-ம் ஆண்டு முதல் இடம் பெற்று வருகிறது.

இந்நிலையில் தற்போது புதிதாக வெளியாகியுள்ள 10 ரூபாய் நோட்டில் காந்தி படம் இருக்கும் இடத்தில் அசோக ஸ்தூபியில் உள்ள சிங்கமுகம் காணப்படுகிறது.

இந்த நோட்டுகளை பெற்றவர்கள் பெரிதும் அதிர்ச்சிக்குள்ளாகி வங்கியில் கேட்ட போது சரியான பதில் கிடைக்கவில்லை என்று கூறப்படுகிறது.

இந்திய ரிசர்வ் வங்கி அதிகாரிகளும் தங்களுக்கு இது பற்றி தெரியாது என கூறியதால் இந்த விவகாரம் பெரும் சர்ச்சையாக எழுந்துள்ளது.