சரத் என் சில்வா தெரியாத விடயங்கள் பற்றி பேசக் கூடாது: நிதியமைச்சர்

முன்னாள் பிரதம நீதியரசர் சரத் என் சில்வா, அவர் வகித்த பதவிக்கு பொருத்தமற்ற வகையில் செயற்பட்டு வருவதாக நிதியமைச்சர் ரவி கருணாநாயக்க குற்றம் சுமத்தியுள்ளார்.
கொழும்பில் இன்று நடைபெற்ற ஊடகவியலாளர் சந்திப்பில் அவர் இதனை கூறியுள்ளார்.

ஹெல்பின் அம்பாந்தோட்டை சம்பவம் தொடர்பில் அன்று கடும் விமர்சனங்களை முன்வைத்த முன்னாள் பிரதம நீதியரசர் தற்போது அந்த நிலைப்பாட்டில் இருந்து மாறியுள்ளார்.

இது மிகவும் ஆச்சரியமாகவுள்ளது. முன்னாள் பிரதம நீதியரசருக்கு சட்டத்தை பற்றி தெரியும், ஆனால் பொருளாதாரத்தை பற்றி தெரியாது.

தெரியாத ஒன்றை பற்றி பேசுவதன் மூலம் இல்லாத பிரச்சினைகளே ஏற்படும் எனவும் நிதியமைச்சர் கூறியுள்ளார்.