அன்னாசிப்பழ சாலட்

அன்னாசிப்பழம் (சிறியது) - ஒன்று
மிளகாய்த்தூள் (தனி) - ஒரு தேக்கரண்டி(மட்டமாக)
உப்புத்தூள் - தேவையானளவு
சீனி - ஒரு மேசைக்கரண்டி(நிரப்பி)
வினிகர் - ஒரு தேக்கரண்டி
மிளகுத்தூள் - 2 சிட்டிகை
சாலட் இலைகள் - (2-3) துண்டுகள்


அன்னாசிப்பழத்தை தோல் சீவிக் அதன் கண்கள் தெரியாதவாறு மேற்பரப்பை துப்பரவாக்கவும்.
பின்பு அன்னாசிப்பழத்தை நிலைக்குத்தாக வைத்து கொண்டு நீளப்போக்கில் நான்கு சம துண்டுகளாக வெட்டி எடுக்கவும்.
அதன் பின்பு அவற்றின் நடு நரம்பு பகுதியை வெட்டி நீக்கிக் கொள்ளவும்.
பின்பு ஒவ்வொரு துண்டுகளையும் அரை அங்குல தடிப்புடைய கால் வட்ட வடிவத துண்டுகளாக வெட்டி கொள்ளவும்.
அதன் பின்பு வெட்டிய துண்டுகளை ஒரு பாத்திரத்தில் போட்டு அதில் மிளகாய்த்தூள், உப்புத்தூள், சீனி, வினிகர் இவையாவற்றையும் போட்டு நன்றாக பிரட்டி கலக்கவும்.
பின்பு அரை மணி நேரம் ஊற வைக்கவும். அதன் பின்பு துண்டுகளை மட்டும் தனியாக எடுத்து சலாட் கோப்பையில் அலங்கார வடிவில் அடுக்கி சாலட் இலைகளை கொண்டு அலங்கரித்து பரிமாறவும்.