காங்கிரஸ் பிரமுகர் என்னை பலாத்காரம் செய்ய முயன்றார்: நடிகையின் புகாரால் பரபரப்பு

காங்கிரஸ் பிரமுகர் தன்னை பலாத்காரம் செய்ய முயன்றதாக துணை நடிகை ஒருவர் பரபரப்பு புகார் அளித்துள்ளார்.
கர்நாடகாவில் உள்ள சிவமொக்கா மாவட்டத்தில் கன்னட திரைப்படம் ஒன்றின் படப்பிடிப்பு நடைபெற்று வருகிறது.

இந்த படப்பிடிப்புக்காக நடிகர், நடிகை, துணை நடிகர்கள் மற்றும் துணை நடிகைகள் ஆகியோர் சிவமொக்காவில் உள்ள ஒரு அடுக்குமாடி குடியிருப்பில் தங்கியுள்ளனர்.

இந்நிலையில் அந்த திரைப்படத்தில் நடிக்கும் துணை நடிகை ஒருவரின் அறைக்கு இரவில் குமார் என்பவர் அனுமதியின்றி நுழைந்துள்ளார்.

அவர் சிவமொக்கா மாவட்ட காங்கிரஸ் பிரமுகராக உள்ள நான் திரைப்பட தயாரிப்பாளராகவும் இருப்பதாக துணை நடிகையிடம் அறிமுகம் செய்துள்ளார்.

மேலும், நான் சொல்வதை கேட்டால் நடிகையின் தோழியாக படத்தில் நடிக்க வாய்ப்பு ஏற்படுத்தி தருவதோடு, அதிகளவில் பணமும் தருகிறேன் என ஆசை வார்த்தைகளை கூறியுள்ளார்.

இதை கேட்டு அதிர்ச்சி அடைந்த துணை நடிகை குமாரின் பேச்சுக்கு ஒப்புக்கொள்ளவில்லை.

மேலும் குமார் அந்த துணை நடிகையை பலாத்காரம் செய்ய முயன்றதாக கூறப்படுகிறது.

பின்னர் இதுகுறித்து வெளியில் யாரிடமாவது கூறினால் கொலை செய்து விடுவேன் என அவர் துணை நடிகையை மிரட்டியுள்ளார்.

இதையடுத்து நேற்று துணை நடிகை சிவமொக்கா மகளிர் காவல் நிலையத்தில் குமார் மீது புகார் அளித்துள்ளார்.

அதில், காங்கிரஸ் பிரமுகரான குமார் என்னை கற்பழிக்க முயற்சி செய்தார் என தெரிவித்துள்ளார்.

இதேபோல, கர்நாடக திரைப்பட வர்த்தக சபையிலும் துணை நடிகை புகார் தெரிவித்து உள்ளார்.

தற்போது இந்த புகாரின் பேரில் சிவமொக்கா மகளிர் பொலிசார் வழக்குப்பதிவு செய்து விசாரணை நடத்தி வருகின்றனர்.