கஹவத்தை இரட்டைக் கொலையுடன் தொடர்புடைய மூவர் விடுதலை

கஹவத்தை கொடகதென இரட்டைக் கொலையுடன் தொடர்புடைய குற்றச்சாட்டின் பேரில் கைது செய்யப்பட்டிருந்த மூன்று சந்தேக நபர்கள் விடுதலை செய்யப்பட்டுள்ளனர்.
இவர்கள் கொழும்பு உயர் நீதிமன்ற நீதவான் தேவிகா லிவேரா தென்னக்கோனினால் இன்று விடுதலை செய்யப்பட்டுள்ளனர்.

இதேவேளை இச்சம்பவம் தொடர்பிலான சாட்சியங்களில் முரண்பாடு காணப்படுவதாக நீதவான் தெரிவித்துள்ளார்.

சந்தேகமின்றி குற்றச்சாட்டுக்களை நிரூபிக்க முடியாத காரணத்தினால் சந்தேக நபர்களை விடுதலை செய்வதாகவும் அவர் குறிப்பிட்டுள்ளார்.

நாமல் சமிந்த சில்வா, துசார லொக்குகம்ஹேவகே மற்றும் எல்.ஜீ. மிதில ஆகியோரையே குற்றமற்றவர்கள் என நீதிமன்றம் விடுதலை செய்துள்ளது.

2012ம் ஆண்டு ஜூலை மாதம் 17ம் திகதி 63 வயதான பிரேமவதி மற்றும் 23 வயதான புஸ்பகுமாரி ஆகியோர் படுகொலை செய்யப்பட்டிருந்தனர். இக்கொலையுடன் சந்தேகத்தின் பேரில் இவர்கள் மூவரும் கைது செய்யப்பட்டிருந்தனர் என்பது குறிப்பிடத்தக்கது.