மல்டி க்ரெய்ன் கிரேவி

கொண்டைக்கடலை, பயறு, காராமணி, ராஜ்மா - தலா கால் கப்
வெங்காயம் - ஒன்று
பச்சை மிளகாய் - இரண்டு
கறிவேப்பிலை - சிறிதளவு
சிக்கன் மசாலா தூள் - இரண்டு தேக்கரண்டி
கரம் மசாலா தூள் - அரை தேக்கரண்டி
மஞ்சள் தூள் - அரை தேக்கரண்டி
உப்பு - தேவையான அளவு
அரைக்க:
சின்ன வெங்காயம் - அரை கப்
தக்காளி - 2
இஞ்சி - ஒரு துண்டு
பூண்டு - ஐந்து பல்
தேங்காய் - அரை கப்
தாளிக்க:
பட்டை - ஒரு துண்டு
கிராம்பு - 3
எண்ணெய் - தேவையான அளவு



கொண்டைக்கடலை, பயறு, காராமணி, ராஜ்மா அனைத்தையும் தனித்தனியாக ஊறவைத்து அளவாக தண்ணீர் ஊற்றி உப்புச் சேர்த்து வேகவைத்து தண்ணீருடன் வைத்திருக்கவும். அரைக்கக் கொடுத்துள்ளவற்றை விழுதாக அரைத்துக் கொள்ளவும்.


கடாயில் எண்ணெய் ஊற்றி தாளிக்கக் கொடுத்துள்ளவற்றைத் தாளித்து, நறுக்கிய வெங்காயம், பச்சை மிளகாய் மற்றும் கறிவேப்பிலைச் சேர்த்து சிவக்க வதக்கவும்.


நன்கு வதங்கியதும் அரைத்து வைத்துள்ள விழுதைச் சேர்த்து பச்சை வாசனை போக வதக்கவும்.


அதனுடன் தூள் வகைகள் மற்றும் உப்புச் சேர்த்து வதக்கவும்.


அனைத்தும் வதங்கியதும் வேக வைத்த தானியங்களைத் தண்ணீருடன் சேர்த்து வேகவிட்டு இறக்கி வைக்கவும்.


சத்தான, சுவையான மல்டி க்ரெய்ன் கிரேவி தயார். சாதம், சப்பாத்தியுடன் சாப்பிட நன்றாக இருக்கும்.