லாங் பீன்ஸ் மசாலா

லாங் பீன்ஸ் - 100 கிராம்
உருளைக்கிழங்கு - ஒன்று
வெங்காயம் - ஒன்று
தக்காளி - ஒன்று
இஞ்சி - ஒரு சிறு துண்டு
பூண்டு - 5 பற்கள்
பச்சை மிளகாய் - 2
மிளகாய்த் தூள் - அரை தேக்கரண்டி
தேங்காய்ப் பால் - அரை கப்
கொத்தமல்லி, புதினா - சிறிது
பட்டை, லவங்கம், ஏலக்காய், எண்ணெய் - தாளிக்க
உப்பு - சுவைக்கேற்ப
மஞ்சள் தூள் - சிறிது



வெங்காயத்தை நறுக்கி வைக்கவும். உருளைக்கிழங்கைத் தோல் சீவிவிட்டு நறுக்கி வைக்கவும். லாங் பீன்ஸையும் நறுக்கி எடுத்துக் கொள்ளவும். இஞ்சி, பூண்டு, பச்சை மிளகாயை அரைத்து அல்லது தட்டி வைக்கவும். தக்காளியை விழுதாக அரைத்து வைத்துக் கொள்ளவும்.


லாங் பீன்ஸ் மற்றும் உருளைக்கிழங்குடன் தண்ணீர் ஊற்றி வேகவிடவும்.


பாத்திரத்தில் எண்ணெய் விட்டு தாளிக்கவும். அதனுடன் நறுக்கிய வெங்காயம் சேர்த்து பாதி வதங்கியதும் இஞ்சி, பூண்டு, பச்சை மிளகாய் விழுதைச் சேர்த்து வதக்கவும்.


பிறகு தக்காளி விழுதை ஊற்றி நன்றாக வதக்கி, தூள் வகைகளைச் சேர்த்துப் பிரட்டவும். அத்துடன் தேவையான அளவு தண்ணீர் ஊற்றி பச்சை வாசம் போக கொதிக்கவிடவும்.


கொதித்ததும் வேக வைத்த காய்களைச் சேர்த்து கொதிக்கவிடவும். கடைசியாக தேங்காய்ப் பால், பொடியாக நறுக்கிய கொத்தமல்லி மற்றும் புதினா சேர்த்து ஒரு கொதி வந்ததும் இறக்கவும்.


சுவையான லாங் பீன்ஸ் மசாலா தயார். இது சப்பாத்தி, ஆப்பம், இட்லி, தோசைக்கு நன்றாக இருக்கும்.