மீண்டும் யுத்தம் இடம்பெறாது: சரத் பொன்சேகா

இந்த நாட்டில் மீண்டுமொரு யுத்தம் இடம்பெறாது என பீல்ட் மார்ஷல் சரத் பொன்சேகா தெரிவித்துள்ளார்.
ஜய ஸ்ரீ மகாபோதியில் வழிபாடுகளில் ஈடுப்பட்டதன் பின்னர் ஊடகவியலாளர்களை சந்தித்த போதே அவர் இவ்வாறு தெரிவித்துள்ளார்.

நாம் தற்போது புதிய பயணமொன்றைத் தொடங்கியுள்ளோம்.

ஜனாதிபதி, பிரதமர் தலைமையிலான இந்த புதிய அரசாங்கம், நாட்டுக்காக பாரிய வேலைத்திட்டமொன்றை முன்னெடுத்து வருகின்றது.

யுத்த வெற்றியை பங்கிட்டுக்கொண்டு அதன் மூலம் வரப்பிரசாதங்களைப் பெற்றுக்கொண்டவர்கள் இனங்களுக்கிடையில் நல்லிணக்கத்தை அபிவிருத்தி செய்ய எந்தவொரு நடவடிக்கையும் முன்னெடுக்கவில்லை என அவர் குறிப்பிட்டார்.

மேலும் மதங்களுக்கிடையில் நல்லெண்ணத்தை உருவாக்க வேண்டும் எனவும், மக்கள் மத்தியில் ஒற்றுமையையும் சமாதானத்தையும் உருவாக்க வேண்டும் எனவும் அவர் இதன் போது தெரிவித்துள்ளார்.

சந்தேககங்களுக்கு இடமளிக்காமல் நாம் செயற்பட வேண்டும் என்பதுடன், நாட்டில் இனி யுத்தமொன்று இடம்பெறாத வகையில் செயற்பட வேண்டும்.

இலங்கையில் மீண்டும் ஒரு யுத்தம் இடம்பெறாது என்பதில் நான் உறுதியாக இருக்கிறேன் என பீல்ட் மார்ஷல் சரத் பொன்சேகா தெரிவத்துள்ளார்.