கார கோழி இறைச்சி வறுவல்.

கோழி இறைச்சி எலும்பு இல்லாதது - 1/2 கிலோ.
இஞ்சி பூண்டு விழுது - 2 தேக்கரண்டி.
மிளகாய்த் தூள் - 2 தேக்கரண்டி.
காய்ந்த மிளகாய் - 4.
சோம்பு - ஒரு தேக்கரண்டி.
சீரகம் - ஒரு தேக்கரண்டி.
தக்காளி - ஒன்று (பொடியாக நறுக்கியது)
கரம் மசாலாத் தூள் - 1/2 தேக்கரண்டி.
எண்ணெய் - 6 மேசைக்கரண்டி.
உப்பு - தேவையான அளவு.
கறிவேப்பிலை பொடியாக நறுக்கியது - ஒரு மேசைக்கரண்டி
கொத்தமல்லித் தழை - தேவையான அளவு
பொடி செய்ய:
பூண்டு - 10 பல்.
சோம்பு - ஒரு தேக்கரண்டி.


வாணலியில் எண்ணெய் ஊற்றி சூடானதும், மிளகாய், சோம்பு, சீரகம் இவற்றைப் போட்டு, மிதமான தீயில் வெடித்தவுடன், இஞ்சி பூண்டு விழுதை சேர்த்து ஒரு நிமிடம் வதக்க வேண்டும்.
நறுமணம் வந்தவுடன், கோழி இறைச்சியை கலந்து 5 நிமிடம் வதக்க வேண்டும்.
இப்போது மிளகாய்தூள், உப்பு சேர்த்து 2 நிமிடம் கிளற வேண்டும். நறுக்கிய கறிவேப்பிலையைப் போட்டு ஒரு நிமிடம் பிரட்ட வேண்டும்.
பூண்டு சோம்பு பொடியை கலந்து ஒரு நிமிடம் கிளறி, நீர் தெளித்து 5 நிமிடம் மிதமான தீயில் வைக்க வேண்டும்.
கோழி வெந்தவுடன், தக்காளியை கலந்து ஒரு நிமிடம் பிரட்டி, கொத்தமல்லித் தழை தூவி சூடாக பரிமாறலாம்.