மாத்தறையில் மஹிந்தவுக்கு ஆதரவு வழங்கும் பேரணி! அணி திரளுமாறு வெல்கம அழைப்பு

எதிர்வரும் நாடாளுமன்ற தேர்தலில் பிரதமர் வேட்பாளராக, முன்னாள் ஜனாதிபதி மஹிந்த ராஜபக்ஷவை களமிறக்க வேண்டும் என வலியுறுத்தும் பேரணி மாத்தறையில் நடைபெறவுள்ளதாக பாராளுமன்ற உறுப்பினர் குமார வெல்கம தெரிவித்துள்ளார்.
ஐக்கிய மக்கள் சுதந்திர கூட்டணியை பிரதிநிதித்துவப்படுகின்ற அனைத்து பாராளுமன்ற உறுப்பினர்களும் இப்பேரணியில் கலந்துக்கொள்ளவுள்ளதாக அவர் குறிப்பிட்டுள்ளார்.

எதிர்வரும் பொதுத் தேர்தலின் பின்னர் ஐக்கிய தேசிய கட்சியுடன் தொடர்ந்து உறவு வைத்துக்கொள்ள ஸ்ரீலங்கா சுதந்திர கட்சி இடமளிக்கப் போவதில்லை என அவர் சுட்டிக்காட்டியுள்ளார்.

எனவே அரசாங்கத்திற்கு எதிராக சூறாவளி போன்று மாத்தறைக்கு வரவுள்ள முன்னாள் ஜனாதிபதி மஹிந்த ராஜபக்சவுடன் ஸ்ரீலங்கா சுதந்திர கட்சி அரசாங்கம் ஒன்றை உருவாக்கவதற்கு இணையுமாறு மக்களுக்கு குமார வெல்கம அழைப்பு விடுத்துள்ளார்.

எப்படியிருப்பினும் தற்போது முன்னாள் ஜனாதிபதி மஹிந்த ராஜபக்ச புதிய சின்னம் மற்றும் புதிய கட்சியில் தேர்தலில் களமிறங்கப்போவதாக தேசிய சுதந்திர முன்னணி குறிப்பிட்டுள்ளது.