கொழும்பு – மாத்தறை பஸ்ஸொன்று தீக்கிரை

கொழும்பில் இருந்து மாத்தறை நோக்கி பயணித்த தனியார் பஸ்ஸொன்று தீக்கிரையாகியுள்ளது.
காலி சமுத்திர மாவத்தை பிரதேசத்தில் இன்று சனிக்கிழமை காலை இச்சம்பவம் இடம்பெற்றுள்ளதாக தெரிவிக்கப்படுகின்றது.

இச்சம்பவம் இடம்பெற்ற சந்தர்ப்பத்தில் பஸ்ஸில் 60 பயணிகள் இருந்துள்ளதாகவும் பின்பக்க கதவு வழியாக தப்பி சென்றுள்ளதாகவும் குறிப்பிடப்படுகின்றது.

எனினும் இச்சம்பவத்தின் போது பயணிகளுக்கு எவ்வித பாதிப்புகளும் இடம்பெறவில்லை.

காலி நகர சபை தீயணைப்பு படையும் கடற்படை தீயணைப்பு படையினரின் உதவியுடன் தீ கட்டுப்பாட்டிற்கு கொண்டு வந்துள்ளதாக தெரிவிக்கப்படுகின்றது.

தீப்பற்றி எரிந்தமைக்கான காரணம் இதுவரை வெளியாகவில்லை.

சம்பவம் தொடர்பாக மேலதிக விசாரணையை காலி பொலிஸார் மேற்கொண்டு வருகின்றனர்.