கஜு சிக்கன்

சிக்கன் - 1/2 கிலோ
வெங்காயம் - 2
தக்காளி - 1
மிளகாய்த்தூள் - 1 டீஸ்பூன்
கரம் மசாலா - 1/2 டீஸ்பூன்
ஜிஞ்சர்கார்லிக் பேஸ்ட் - சிறிது
முந்திரி - 50 கிராம்
புதினா, மல்லி - சிறிது
எண்ணெய் - தேவையான அளவு
உப்பு - சுவைக்கு
கறிவேப்பிலை - ஒரு கைப்பிடி


சிக்கனில், உப்பு, மிளகாய், ஜிஞ்சர்கார்லிக்பேஸ்ட் ஆகியவற்றை கலந்து, பொடியாக நறுக்கிய மல்லி புதினாவையும் சேர்த்து பிசறவும். 1மணி நேரம் ஊற வேண்டும்.
முந்திரியை பொடியாக நறுக்கவும். அல்லது மிக்ஸியில் 1 செகண்ட் மட்டுமே அடித்தால் கொரகொரப்பாக பொடிக்கும்.
தக்காளி, வெங்காயத்தை மிக்ஸியில் அரைத்துக் கொள்ளவும்.
கடாயில் எண்ணெய் விட்டு, அரைத்த விழுதை எண்ணெய் பிரியும் வரை வதக்கி பிசறிய சிக்கனை சேர்த்துக்கிளறி, மிதமான தீயில் மூடி போட்டு வேகச் செய்யவும். அவ்வப்பொழுது கிளறி விடவும்.
1 டேபிள்ஸ்பூன் நீர் சேர்த்து வேகச்செய்து எண்ணெய் பிரியும் வரை வதக்கி, கடைசியில் பொடித்த முந்திரியை கலந்து இறக்கவும்.
சிறிது எண்ணெயில் கறிவேப்பிலையை மொறுகலாக பொரித்து தூவி பரிமாறவும்.