பின்லேடனுக்கு பண உதவி அளித்த இந்தியர்கள்: பின்லேடன் ஆவணங்களில் தகவல்!

பாகிஸ்தானில் பதுங்கியிருந்த பின்லேடனுக்கு இந்தியாவை சேர்ந்த நபர் ஒருவர் பண உதவி செய்ததாக அமெரிக்கா வெளியிட்ட ஆவணத்தில் கூறப்பட்டுள்ளது அதிர்ச்சியை ஏற்படுத்தியுள்ளது.
2011ம் ஆண்டு அல்கொய்தா தீவிரவாத இயக்க தலைவர் பின்லேடன் பாகிஸ்தான் அபோதாபாத்தில் வீட்டில் பதுங்கியிருந்த போது அமெரிக்க அதிரடி படையால் சுட்டுக் கொல்லப்பட்டார்.

இதனை தொடர்ந்து பின்லேடன் வீட்டில் இருந்த ஆவணங்களை அமெரிக்க அதிரடிப்படை பறிமுதல் செய்தது.

தற்போது அதை அமெரிக்கா வெளியிட்டுள்ள நிலையில் பல திடுக்கிடும் தகவல்கள் வெளியாகியுள்ளது.

அந்த ஆவணங்களில், அமெரிக்காவில் உள்ள மதினா பகுதியை சேர்ந்த இந்திய பைனான்சியர் ஒருவர் பின்லேடனுக்கு நிதியுதவி செய்துள்ளதை பின்லேடன் குறிப்பிட்டுள்ளார்.

அதாவது, மதினாவை சேர்ந்த இந்திய சகோதரர் ஒருவர் 2009–ம் ஆண்டு ரூ.1 லட்சத்து 20 ஆயிரத்து 500 வழங்கியதாக தெரிவித்துள்ளார்.

மேலும், மற்றொரு இந்தியர் ரூ.3 லட்சத்து 35 ஆயிரத்தை 2009–ம் ஆண்டில் வழங்கியிருப்பதாகவும் குறிப்பிட்டுள்ளார்.