இலங்கை மகளீர் கிரிக்கட் அணி வீராங்கனைகளிடம் பாலியல் லஞ்சம்! அமைச்சரிடம் அறிக்கை

இலங்கை மகளிர் கிரிக்கட் அணியின் தேசிய தேர்வாளர்கள், வீராங்கனைகளிடம் பாலியல் லஞ்சம் பெற்றதாக சுமத்தப்பட்ட குற்றச்சாட்டு தொடர்பிலான அறிக்கை விளையாட்டுத்துறை அமைச்சரிடம் கையளிக்கப்பட்டது.
இந்த அறிக்கையை முன்னாள் நீதியரசர் நிமல் திஸாநாயக்க தலைமையிலான குழுவினர் அமைச்சரிடம் கையளித்தனர்.

இலங்கை மகளிர் அணியில் இடம்பெற்ற வீராங்கனைகளிடம் தேசிய தேர்வாளர்கள், அணியில் இடம்பிடிப்பதற்காக பாலியல் லஞ்சம் கோரினர் என்ற குற்றச்சாட்டு ஊடகங்களில் வெளியான போது அது தொடர்பில் கடும் விமர்சனங்கள் எழுந்தன.

இதனையடுத்து 2014ஆம் ஆண்டு முன்னாள் விளையாட்டுத்துறை அமைச்சர் மஹிந்தானந்த அளுத்கமகேயினால் விசாரணைக்குழு அமைக்கப்பட்டது.