ஹம்பாந்தோட்டை துறைமுகத்தில் பதற்ற நிலை

ஹம்பாந்தோட்டை மஹிந்த ராஜபக்ச துறைமுகத்தில் பதற்ற நிலை ஏற்பட்டுள்ளதாக தெரிவிக்கப்படுகின்றது.
துறைமுகத்தில் நடைபெறுகின்ற ஊழல் மோசடிகளை தடுக்கும் நோக்கில், அங்கு பணி புரியும் ஊழியர்களின் கைபைகளை தங்களுடன் எடுத்து செல்வதற்கு தடை விதிக்கப்பட்டுள்ளது.

இதற்கு எதிர்ப்பு தெரிவித்து துறைமுக ஊழியர்கள் ஆர்ப்பாட்டத்தில் ஈடுபட்டுள்ளனர்.

அந்த எதிர்ப்பு நடவடிக்கையின் போது பொலிஸ் ஜீப் வண்டி, ஊழியர் ஒருவரின் காலில் ஏறியுள்ளது. அதனை தொடர்ந்து ஆர்ப்பாட்டக்காரர்கள் ஜீப் வண்டி மீது கல்வீச்சு தாக்குதல் நடத்தியுள்ளனர்.

இதனையடுத்து அங்கு பதற்றமான சூழ்நிலை ஒன்று உருவாகியுள்ளதாக தெரிவிக்கப்படுகின்றது. அத்துடன் காலில் காயப்பட்ட ஊழியர் வைத்தியசாலையில் அனுமதிக்கப்பட்டு சிகிச்சை பெற்று வருகின்றார்.