கிழக்கு பல்கலை.யில் நினைவேந்தலுக்கு தடை

மட்டக்களப்பு வந்தாறுமூலை கிழக்குப் பல்கலைக்கழகத்தில் ஏற்பாடு செய்யப்பட்டிருந்த முள்ளிவாய்க்கால் நினைவேந்தலுக்கு பொலிஸார் தடைவிதித்துள்ளனர்.

பல்கலைக் கழக வளாகத்திற்குள் இன்று காலை 10.30 மணியளவில் முள்ளிவாய்க்கால் நினைவேந்தல் அஞ்சலி நிகழ்விற்கான ஏற்பாடுகள் செய்யப்பட்டிருந்தன.

இந்நிலையில் பல்கலைக்கழக வளாகத்தில் ஏற்பாட்டாளர்களும் ஆர்வக் குழுக்களும் நினைவேந்தல் நடாத்தத் தயாராக இருந்த போது, குறித்த இடத்திற்கு விஜயம் மேற்கொண்ட ஏறாவூர் பொலிஸார் தடையுத்தரவை காட்டியுள்ளனர்.

இதனையடுத்து ஏற்பாட்டாளர்களை அங்கிருந்து கலைந்து செல்லுமாறு கேட்டு கொண்டுள்ளனர்.

பொலிஸார் கேட்டுக்கொண்டதற்கிணங்க ஏற்பாட்டாளர்கள் அங்கிருந்து ஏமாற்றத்துடன் திரும்பி சென்றுள்ளனர்.