கொள்ளு சுண்டல்

கொள்ளு - 2 கப் (ஊற வைத்தது)
வெங்காயம் - 1/4
பச்சை மிளகாய் - 2
தேங்காய் துருவல் - 3 தேக்கரண்டி
கடுகு - அரை தேக்கரண்டி
சீரகம் - அரை தேக்கரண்டி
உளுந்து - அரை தேக்கரண்டி
கடலை பருப்பு - அரை தேக்கரண்டி
எண்ணெய் - 2 தேக்கரண்டி
கறிவேப்பிலை - தேவைக்கு
உப்பு - தேவைக்கு



வெங்காயம் மற்றும் பச்சை மிளகாயை பொடியாக நறுக்கிக் கொள்ளவும். ஊற வைத்த கொள்ளை வேக வைத்து, நீரை வடித்துவிட்டு உப்பு கலந்து வைக்கவும்.


கடாயில் எண்ணெய் ஊற்றி காய்ந்ததும் கடுகு, சீரகம், உளுந்து, கடலை பருப்பு, கறிவேப்பிலை தாளித்து, பொடியாக நறுக்கிய வெங்காயம், பச்சை மிளகாய் சேர்த்து வதக்கவும்.


இதில் வேக வைத்த கொள்ளை சேர்த்து 5 நிமிடம் கிளறவும்.


கொள்ளை சேர்த்து நன்கு கிளறியதும் தேங்காய் துருவல் சேர்த்து கிளறி எடுக்கவும்.


சுவையான கொள்ளு சுண்டல் தயார்.