வேதாரண்யேஸ்வரர் கோவிலில் 1008 சங்காபிஷேகம்

தலைவாசல் >> ஆன்மிகம் >> வழிபாடு
வேதாரண்யேஸ்வரர் கோவிலில் 1008 சங்காபிஷேகம்
பதிவு செய்த நாள் : செவ்வாய்க்கிழமை, டிசம்பர் 09, 3:00 PM IST கருத்துக்கள்0வாசிக்கப்பட்டது56 Share/Bookmark printபிரதி
வேதாரண்யேஸ்வரர் கோவிலில் 1008 சங்காபிஷேகம்


வேதாரண்யம் வேதாரண்யேஸ்வரர் சுவாமி திருக்கோயில் மூர்த்தி, தலம், தீர்த்தம் ஆகிய மூன்றிலும் பெருமை வாய்ந்த கோவில். இது அகத்தியருக்கு சிவபெருமான் திருமண கோலத்தில் காட்சி கொடுத்த தலம் ஆகும்.

வேதங்கள் பூஜித்து மூடி கிடந்த கதவை அப்பரும், சம்மந்தரும் தேவார திருப்பதிகங்கள் பாடி திறந்ததாக வரலாறு. இப்படி சிறப்பு வாய்ந்த திருக்கோவிலில் கார்த்திகை நான்காம் சோமவாரத்தை முன்னிட்டு புனித நீர் அடங்கிய கலசங்கள் மற்றும் 1008 சங்குகள் வைத்து பூஜிக்கப்பட்டு பின்னர் கலசங்கள் ஊர்வலமாக எடுத்து வரப்பட்டு சிறப்பு அபிஷேக ஆராதனைகள் நடைபெற்றது.

பின்பு சுவாமி வண்ண மலர்களால் அலங்கரிக்கப்பட்டும், சுவாமி சன்னதியில் உள்ள சரவிளக்குகளில் தீபம் ஏற்றப்பட்டு வேதாரண்யம் விளக்கழகு என்ற பெயருக்கேற்ப ஒளிமயமாக காட்சி அளித்த நிலையில் சிறப்பு மகா தீபாரதனை நடைபெற்றது. இதில் ஏராளமான பக்தர்கள் கலந்து கொண்டு சிவபெருமானை அர்ச்சனை செய்து வழிபட்டனர்.

விழா ஏற்பாடுகளை கோவில் நிர்வாக அதிகாரி மணவழகன், யாழ்பாணம் வரணி ஆதீனம் செவ்வந்திநாத பண்டார சந்நிதி மற்றும் திருக்கோயில் அலுவலர்கள், உபயதாரர்கள் செய்திருந்தனர்.