உருளைக்கிழங்கு சமோசா

மைதா மாவு - 200 கிராம்
வேக வைத்த உருளைக்கிழங்கு - 2
வெங்காயம் - 2
சீரகம் - ஒரு தேக்கரண்டி
மிளகாய்த் தூள் - தேவைக்கேற்ப
எண்ணெய் - தேவையான அளவு
உப்பு - தேவையான அளவு



வேக வைத்த உருளைக்கிழங்கை தோல் நீக்கி பொடியாக நறுக்கிக் கொள்ளவும். வெங்காயத்தைப் பொடியாக நறுக்கி வைக்கவும்.


வாணலியில் எண்ணெய் விட்டு சீரகம் தாளித்து, வெங்காயம் சேர்த்து வதக்கவும். பிறகு உருளைக்கிழங்கைச் சேர்த்து மிளகாய்த் தூள் மற்றும் உப்பு சேர்த்து வதக்கி மசாலாவைத் தயார் செய்து வைக்கவும்.


மைதா மாவில் உப்பு சேர்த்து, தண்ணீர் விட்டு பிசைந்து, சப்பாத்திக்கு திரட்டுவது போல் திரட்டி அரை வட்டங்களாக வெட்டிக் கொள்ளவும்.


வெட்டிய துண்டில் ஒன்றை எடுத்து, அதன் ஒரு பாதி விளிம்பில் தண்ணீர் தொட்டுக் கொண்டு, மறுபாதி விளிம்பின் மேல் வைத்து ஒட்டி கூம்பு போல் செய்து கொள்ளவும்.


அதனுள்ளே தயாரித்த உருளைக்கிழங்கு மசாலாவை வைக்கவும்.


பிறகு ஓரங்களில் தண்ணீர் தடவி ஒட்டிக் கொள்ளவும்.


இதே போல் மீதமுள்ள மாவிலும் மசாலாவை வைத்து தண்ணீர் தொட்டு ஒட்டி, சூடான எண்ணெயில் போட்டு பொரித்தெடுக்கவும்.


சுவையான உருளைக்கிழங்கு சமோசா தயார்.