மே 22-ல் அதிமுக எம்.எல்.ஏக்கள் கூட்டம்: ஜெயலலிதா 23ம் திகதி முதல்வராக பதவியேற்பு?

அதிமுக சட்டமன்ற உறுப்பினர்கள் கூட்டம் வரும் 22ம் திகதி நடைபெறும் என அதிமுக பொதுச் செயலாளர் ஜெயலலிதா அறிவித்துள்ளார்.
ஜெயலலிதா இன்று காலை இது தொடர்பாக அறிக்கை வெளியிட்டுள்ளார்.

அந்த அறிக்கையில், அதிமுக சட்டமன்ற உறுப்பினர்கள் கூட்டம் வருகின்ற 22.05.2015 வெள்ளிக்கிழமை காலை 7 மணிக்கு சென்னை, ராயப்பேட்டை, அவ்வை சண்முகம் சாலையில் உள்ள தலைமைக் கழகத்தில் நடைபெறும்.

இந்தக் கூட்டத்தில் கழக சட்டமன்ற உறுப்பினர்கள் அனைவரும் தவறாமல் கலந்து கொள்ள வேண்டும் என்று கேட்டுக் கொள்கிறேன் எனக் குறிப்பிட்டுள்ளார்.

சொத்துக் குவிப்பு வழக்கில் தீர்ப்பு வெளியாகி 4 நாட்கள் ஆகியும் எம்எல்ஏக்கள் கூட்டம் நடத்த எந்த முயற்சிகளும் எடுக்கப்படவில்லை என அதிமுக சட்டமன்ற உறுப்பினர்கள் தவித்து வந்த நிலையில் ஜெயலலிதா இந்த அறிவிப்பை வெளியிட்டுள்ளார்.

மேலும், இந்த கூட்டத்தில் ஜெயலலிதா முதல்வராக பதவியேற்க உள்ள திகதி பற்றி ஆலோசிக்கப்படலாம் என்று எதிர்பார்க்கப்படுகிறது