வெளிநாட்டு பாதுகாப்பு உத்தியோகத்தர்களுக்கு இலங்கையில் பயிற்சி

பாதுகாப்பு சேவைக் கட்டளை, உயர் பதவி நிலைக் கல்லூரியில் வெளிநாட்டு பாதுகாப்பு உத்தியோகத்தர்களுக்கு பயிற்சிப் பாட நெறிகளைப் பயிலுவதற்கு வாய்ப்புகளை ஏற்படுத்தி கொடுக்கப்படவுள்ளன.
ஜனாதிபதி மைத்திரிபால சிறிசேனவினால் முன்வைக்கப்பட்ட ஆலோசனைக்கு அமைச்சரவை அங்கீகாரம் வழங்கப்பட்டுள்ளது.

பாதுகாப்பு சேவைக் கட்டளை, உயர் பதவி நிலைக் கல்லூரி இலங்கையிலுள்ள உயர் தரமான யுத்தப்பயிற்சி நிறுவனமாகும்.

இந்த கல்லூரியின் மூலம் மத்தியதர உத்தியோகத்தர்கள் குழுவுக்கு முப்படைகள் மற்றும் இலங்கை பொலிஸார் பயிற்சி வழங்குகின்றனர்.

இலங்கையின் முப்படை உத்தியோகத்தர்களுக்கு வழங்கப்படுகின்ற வெளிநாட்டு பயிற்சி வாய்ப்புகளை இலகுபடுத்துமுகமாகவும் நட்புறவை மேம்படுத்துமுகமாகவுமே வெளியாட்டு பாதுகாப்பு உத்தியோகத்தர்களுக்கு பயிற்சி வழங்கப்படவுள்ளது.

மேலும் வெளிநாட்டு உத்தியோகத்தர்களிடம் காணப்படும் அறிவு, அனுபவங்களை பகிர்ந்து கொள்வதற்கு இது ஒரு சிறந்த சந்தர்ப்பமாக அமையும் எனவும் தெரிவிக்கப்பட்டுள்ளது.

இதனடிப்படையில் வெளிநாட்டு மாணவர்கள் 27 பேருக்கு இக்கற்கை நெறியினை பயில்வதற்கு சந்தர்ப்பம் வழங்க அரசாங்கம் தீர்மானித்துள்ளது.