கொழும்பு - கண்டி பிரதான வீதியில் வாகன விபத்து - ஒருவர் பலி

கொழும்பு - கண்டி பிரதான வீதியில் கலஹெடிஹேன பகுதியில் இடம்பெற்ற வாகன விபத்தில் ஒருவர் உயிரிழந்துள்ளார்.
இன்று காலை கண்டியில் இருந்து கொழும்பு நோக்கிப் பயணித்த பஸ் ஒன்றுடன், மோட்டார் சைக்கிள் ஒன்று நேருக்கு நேர் மோதியதில் இந்த விபத்து நிகழ்ந்துள்ளது.

விபத்தில் மோட்டார் சைக்கிளில் பயணித்த 48 வயதான நபர் உயிரிழந்துள்ளார். இவர் மாத்தறையைச் சேர்ந்தவர் என அடையாளம் காணப்பட்டுள்ளது.

சம்பவம் தொடர்பில் பஸ்ஸின் சாரதி கைது செய்யப்பட்டுள்ளதாக பொலிஸார் தெரிவித்துள்ளனர்.

விபத்து தொடர்பான மேலதிக விசாரணைகளை பொலிஸார் மேற்கொண்டு வருகின்றனர்.