மைத்திரியின் கருத்தில் திருப்தியடைந்த தமிழக மீனவர்கள்

ஜனாதிபதி மைத்திரிபால சிறிசேனவுடன் கலந்துரையாடியது திருப்பதியளிப்பதுடன் நம்பிக்கையூட்டும் வகையில் காணப்பட்டது என தமிழக மீனவ பிரதிநிதிகள் தெரிவித்துள்ளனர்.
இலங்கையிலிருந்து மதுரை திரும்பிய போதே அவர்கள் இவ்வாறு தெரிவித்துள்ளனர் என இந்திய ஊடகங்கள் செய்தி வெளியிட்டுள்ளனர்.

இலங்கை ஜனாதிபதி மைத்திரிபால சிறிசேனவை நேரில் சந்தித்து தமிழக மீனவர்களின் குறைகள் மற்றும் கோரிக்கைகளை முன்வைத்துள்ளனர்.

எங்களது பிரச்சினைகளை இலங்கை ஜனாதிபதி கனிவுடன் கேட்டார் எனவும், தமிழக மீனவர்கள் 37 பேரை விடுதலை செய்ய உத்தரவிட்டதாகவும் குறித்த மீனவர்கள் தெரிவித்துள்ளனர்.

பேச்சுவார்த்தை நடத்தி இருநாட்டு மீனவர்களுக்கிடையிலான பிரச்சினைகளுக்கு தீர்வு காண்பதுடன் இரு நாடுகளுக்கும் இடையேயான நட்புறவு தொடர்ந்து நீடிக்கும் எனவும் அவர்கள் சுட்டிக்காட்டியுள்ளனர்.