போர் வெற்றி கொண்டாடப்பட மாட்டாது: ராஜித்த

தமது நாட்டில் ஒரு பிரிவு மக்களின் மனங்களை நோகடிக்கும் விதத்தில் போர் வெற்றிக் கொண்டாட்டங்கள் இடம்பெற மாட்டாது என அமைச்சரவைப் பேச்சாளர் ராஜித்த சேனாரத்ன தெரிவித்துள்ளார்.
இன்று காலை இடம்பெற்ற வானொலி நிகழ்வொன்றில் கலந்துக்கொண்டு கருத்து தெரிவிக்கும் போதே அவர் இவ்வாறு குறிப்பிட்டுள்ளார்.

எப்படியிருப்பினும், விடுதலைப் புலிகள் இயக்கத்தை போர் மூலம் தோல்வியடைய செய்வதற்கு தம்மை அர்ப்பணித்த இராணுவ வீரர்களை நினைவுகூரும் முகமாகவும், போரில் பாதிக்கப்பட்ட அனைவரையும் நினைவுகூரும் வகைளில் எதிர்வரும் மே மாதம் 19ஆம் திகதி மாத்தறையில் நிகழ்வொன்று நடத்தப்படும் என்று அவர் குறிப்பிட்டுள்ளார்.

நாட்டில் பிரிவினைவாதத்தை நாம் கடுமையாக எதிர்க்கின்றோம். பிரிவினைவாதம் முழுமையாக தோற்கடிக்கப்பட வேண்டும்.

எனவே, நமது நாட்டிலேயே ஒரு பிரிவு மக்களுக்கு எதிராக போர் ஒன்று முன்னெடுக்கப்படுவதை அனுமதிக்க முடியாது.

இதனால் பிரிவினைவாதிகளான விடுதலைப் புலிகளை போர் மூலம் வெற்றிகொள்வதற்கு தம்மை அர்ப்பணித்த இராணுவ வீரர்களையும், இந்த யுத்தத்தில் பாதிக்கப்பட்ட அனைத்து மக்களையும் நாம் நினைவுகூர வேண்டும் என்பதனால் தற்போதைய அரசாங்கம் இம்முறை அரச நிகழ்வொன்று ஏற்பாடு செய்துள்ளதாக அவர் மேலும் தெரிவித்துள்ளார்.