காப்சிகம் சன்னா மசாலா

சன்னா - 1 கப் (ஊறவைத்து உப்பு சேர்த்து வேகவைத்தது)
குடை மிளகாய் - 1
வெங்காயம் - 1
தக்காளி - 1
இஞ்சி பூண்டு விழுது - 1 tsp
மிளகாய் தூள் - 1/2 tsp
தனியா தூள் - 1/2 tsp
மஞ்சள் தூள் - 1/4 tsp
கரம் மசாலா தூள் - 1/4 tsp
கசூரி மேத்தி - 1/2 tsp
ஆம்சூர் பவுடர் - 1/4 tsp
சாட் மசாலா - 2 சிட்டிகை
பிரிஞ்சி இலை - 2
உப்பு - தேவையான அளவு
எண்ணெய் - 3 tsp


குடை மிளகாயை பொடியாக நறுக்கி கொள்ளவும்.
வெங்காயம் தக்காளியை தனி தனியாக அரைத்து வைக்க வேண்டும்.
வாணலியில் எண்ணெய் விட்டு காய்ந்ததும் பிரிஞ்சி இலை போட்டு தாளித்து அரைத்த வெங்காய விழுதை சேர்த்து வதக்கவும்.
பிறகு இஞ்சி பூண்டு விழுது சேர்த்து பச்சை வாசம் போகும் வரை வதக்கவும்.
தக்காளி விழுது சேர்த்து சுருள வதக்கவும்.
இப்பொழுது பொடியாக நறுக்கி வைத்துள்ள குடை மிளகாயை சேர்த்து 3 நிமிடம் வதக்கி எல்லா தூளையும் (சாட் மசாலா தவிர்த்து) சேர்க்கவும்.
5 நிமிடம் வதக்கி 1 கப் தண்ணீர் மற்றும் உப்பு சேர்த்து (ஏற்கனவே கடலையில் உப்பு உள்ளது. ஆகையால் பார்த்து சேர்க்கவும்) மூடி வைக்கவும்.
8 நிமிடம் கழித்து கடலையை சேர்த்து மீண்டும் 7 நிமிடம் திறந்து வேகவிடவும்.
இறக்கி சாட் மசாலா கொத்தமல்லி தூவி பரிமாறவும்.