கோல்டன் ப்ரெட்

ப்ரெட் துண்டுகள் - 5
மிளகாய்தூள் - ஒரு ஸ்பூன்
மசாலாத்தூள் - அரை ஸ்பூன்
இஞ்சி பூண்டு விழுது - அரை ஸ்பூன்
வெங்காயம் - பாதி
உப்பு - 3/4 ஸ்பூன்
கடலை மாவு - 4 டேபிள்ஸ்பூன்
அரிசி மாவு - 2 டேபிள்ஸ்பூன்
அரைப்பதற்கு :
பச்சை மிளகாய் - 3 அல்லது 4
மல்லிக்கீரை - ஒரு கொத்து
உப்பு - ஒரு சிட்டிகை


ப்ரெட் துண்டுகள் ஒவ்வொன்றையும் சதுரவடிவ 4 துண்டுகளாக நறுக்கிக்கொள்ளவும். வெங்காயத்தை கேரட் துருவும் பலகையில் துருவிக்கொள்ளவும்.
அரைப்பதற்கு கூறியுள்ளவற்றை விழுதாக அரைத்தெடுத்து, அத்துடன் இஞ்சி பூண்டு விழுது, துருவி வைத்துள்ள வெங்காயம், உப்பு, பொடி வகைகள், மாவு வகைகளை சேர்த்து பஜ்ஜி மாவு பதத்தில் குழைக்கவும்.
ப்ரெட் துண்டுகளின் இரண்டு பக்கங்களையும் இந்த கலவையில் நனைத்து, தோசைக்கல்லில் பொரியுமளவு எண்ணெய்விட்டு பொன்னிற முறுகலாகும்வரை சுட்டு எடுக்கவும்.
இதை புதினா சட்னி அல்லது தக்காளி கெட்சப்புடன் பரிமாறலாம்.