கோதுமை மாவு பரோட்டா (சுருள் பரோட்டா)

கோதுமை மாவு - 1/2 கிலோ,
சர்க்கரை - 1 டீஸ்பூன்,
ஆப்ப சோடா - 1/4 டீஸ்பூன்,
உப்பு - தேவையான அளவு,
நெய் - 1 மேசைக்கரண்டி,
எண்ணெய் - தேவையான அளவு.


கோதுமை மாவு, சர்க்கரை, ஆப்ப சோடா, உப்பு, நெய் எல்லாவற்றையும் சேர்த்து, தண்ணீர் விட்டு, சப்பாத்தி மாவு பிசைவது போல் பிசைந்து கொள்ளவும்.
நன்கு அடித்து பிசைந்து 1/4 மணி நேரம் வைக்கவும்.
உருண்டைகளாக செய்து கொள்ளவும்.
மெல்லிய சப்பாத்திகளாக தேய்த்து, லேசாக எண்ணெய் தடவி, புடவை கொசுவம் வைப்பது போல் மடிக்கவும்.
மடித்ததை வட்டமாக சுருட்டி கொள்ளவும்.
சற்று கனமாக தேய்த்து தோசை கல்லில் சுட்டு எடுக்கவும்.