சர்வதேச விமான நிலையமாக மாறவுள்ள பலாலி விமான நிலையம்

பலாலி விமான நிலையத்தை சர்வதேச விமான நிலையமாக தரமுயர்த்துவதற்கு தீர்மானிக்கப்பட்டுள்ளது என டி.எம்.சுவாமிநாதன் தெரிவித்துள்ளார்.
எதிர்வரும் காலங்களில் பலாலி விமான நிலையத்தை சர்வதேச தரத்திற்கு உயர்த்துவதற்கான நடவடிக்கைகள் மேற்கொள்ளப்படும் என அமைச்சர் குறிப்பிட்டுள்ளார்.

மகிந்த அரசாங்கத்தினால் தீர்க்கமுடியாமல் போன பல்வேறு மனிதாபிமான பிரச்சினைகளுக்கு தற்போதைய அரசாங்கம் தீர்வை பெற்று கொடுத்துள்ளதாக அவர் தெரிவித்துள்ளார்.

இதன் நடவடிக்கைகளே உயர் பாதுகாப்பு வலய காணிகள் தற்போதைய அரசாங்கத்தினால் மீளளிக்கப்பட்டு வருகின்றது என அமைச்சர் குறிப்பிட்டுள்ளார்.

வடக்கு மக்களின் வாழ்வாதாரத்தை மேம்படுத்துவதற்காக தற்போதைய அரசாங்கம் பல்வேறு நலத்திட்டங்களை மேற்கொண்டு வருகின்றது என மீள்குடியேற்ற அமைச்சர் டி.எம்.சுவாமிநாதன் தெரிவித்துள்ளார்.