பா.உறுப்பினர் சிறீரனின் அனுசரணையுடன் கிளி.காஞ்சிபுரம் மாணவர்களுக்கு பேருந்து சேவை

பரந்தன் நகரப் பகுதியில் இருந்து தொலைவிலுள்ள கிராமமான காஞ்சிபுரம் கிராமத்தில் கல்வி கற்கும் மாணவர்கள், பல கிலோமீற்றர்கள் தொலைவிலுள்ள பரந்தன் இந்து மகா வித்தியாலயம் மற்றும் ஏனைய நகர பாடசாலைகளுக்கு நடந்தே செல்ல வேண்டிய மிகவும் கஸ்டமான சூழலை நெடுங்காலமாக அனுபவித்து வருகின்றனர்.
இதன் காரணமாக அவர்களின் பல்வேறு செயற்பாடுகளிலும் முன்னேற்றத்திலும் போக்குவரத்து பிரச்சினை என்பது மிகவும் முக்கிய தாக்கத்தை செலுத்தியது.

இந்த நிலையில் 2016 கலைப்பிரிவு பரந்தன் இந்து மகா வித்தியாலய மாணவி பிரியதர்சினியின் தனியாள் செயற்பாட்டின் நல்லெண்ணத்தின் ஊடாக இப்பிரச்சினையை அறிந்த பா.உறுப்பினர் சி.சிறீதரன், இலங்கை போக்குவரத்து சபையின் கிளிநொச்சி சாலையுடன் பேசி பேருந்து சேவையொன்றை வழங்க உதவியுள்ளார்.

கடந்த 7ம் திகதி தொடக்கம் கிளிநொச்சி, பரந்தன், காஞ்சிபுரம் கிராம மக்களுக்கான பேருந்து சேவை ஆரம்பித்து வைக்கப்பட்டுள்ளது.

இந்த நிகழ்வுகளில் வடக்கு மாகாண சபை உறுப்பினர் சு.பசுபதிப்பிள்ளை, கரைச்சி பிரதேச சபையின் உபதவிசாளர் நகுலேஸ்வரன், உறுப்பினர்கள் குமாரசிங்கம், சுகந்தன், பரந்தன் இந்து மகா வித்திலாய முதல்வர் அம்பிகைபாகன், மாணவி பிரியதர்சினி, இலங்கை போக்குவரத்து சபையின் கிளிநொச்சி சாலை முகாமையாளர் மற்றும் அதிகாரிகள், பெற்றார்கள், மாணவர்கள் ஆசிரியர்கள் கலந்து கொண்டனர்.