பருத்தித்துறையில் வாகன விபத்து: முன்னாள் அதிபர் பலி, ஒருவர் கைது

பருத்தித்துறை 1ம் கட்டை பகுதியில் இடம்பெற்ற வாகன விபத்தில் பருத்தித்துறை ஹாட்லி கல்லூரியின் முன்னாள் அதிபர் கனகசபாபதி அருளானந்தம் உயிரிழந்துள்ளார்.
இந்த விபத்து இன்று காலை மோட்டார் சைக்கிளில் பயணித்த குறித்த அதிபர் மீது யாழ் நோக்கி சென்ற பஸ் மோதியதிலேயே இவ்விபத்து நேர்ந்துள்ளது.

மோட்டார் சைக்கிளை திடீரென திருப்புவதற்கு முயற்சி செய்த போதே விபத்து நேர்ந்துள்ளதாக பருத்தித்துறை பொலிஸார் தெரிவித்தனர்.

குறித்த பஸ்ஸின் சாரதி சம்பவ இடத்திலேயே பொலிஸாரினால் கைது செய்யப்பட்டுள்ளார்.

சடலம் பிரேத பரிசோதனைகளுக்காக மந்திகை ஆதார வைத்தியசாலையில் வைக்கப்பட்டுள்ளது.

இது தொடர்பான மேலதிக விசாரணைகளை பருத்தித்துறை பொலிஸார் மேற்கொண்டு வருகின்றனர்.