கோவக்காய்-உளுந்து சட்னி

கோவக்காய் - 5
காய்ந்த மிளகாய் - 5
உளுந்து - ஒரு மேசைக்கரண்டி
புளி - கோலி குண்டு அளவு
உப்பு - தேவையான அளவு
எண்ணெய் - தேவையான அளவு
தாளிக்க :
கடுகு - கால் தேக்கரண்டி
கறிவேப்பிலை - சிறிது



கோவக்காயை கழுவி விட்டு நான்காக நறுக்கி கொள்ளவும்.


கடாயில் சிறிது எண்ணெய் விட்டு நறுக்கிய கோவக்காயை நன்கு வதக்கி தனியே எடுத்து வைக்கவும்.


அதே கடாயில் மேலும் சிறிது எண்ணெய் விட்டு காய்ந்த மிளகாய், உளுந்து மற்றும் புளி சேர்த்து நன்கு வதக்கவும்.


எல்லாவற்றையும் ஆற வைக்கவும். பிறகு தேவையான அளவு உப்பு சேர்த்து மிக்சியில் அரைத்துக் கொள்ளவும்.


கடுகு, கறிவேப்பிலை தாளித்து சட்னியில் சேர்க்கவும். சுவையான கோவக்காய் உளுந்து சட்னி தயார்.