யாழ். பருத்தித்துறையில் கஞ்சாவுடன் ஒருவர் கைது

யாழ். பருத்தித்துறை பகுதியில் 19 கிலோ கிராம் நிறையுடைய கஞ்சா போதைப்பொருளை வைத்திருந்த சந்தேகநபர் ஒருவரை இன்று கைது செய்துள்ளதாக பொலிஸார் தெரிவித்தனர்.
பருத்தித்துறை சுப்பர் மடம் பகுதியில் 42 வயதுடைய சந்தேக நபர் ஒருவரை கைது செய்ததாக காங்கேசந்துறைப் பொலிஸார் தெரிவித்தனர். பொலிஸாருக்கு இராணுவத்தினர் வழங்கிய தகவலின் படி அப் பகுதியில் உள்ள வீடொன்றை சுற்றி வளைத்த பொலிஸார் 19 கிலோ கஞ்சாவுடன் சந்தேக நபரையும் கைது செய்தனர்.

மீட்கப்பட்ட கஞ்சாவின் பெறுமதி 47 லட்சத்து 50 ஆயிரம் ஆகும். சந்தேக நபருக்கு கஞ்சாவை வழங்கியவரை தேடி வருவதாக பொலிஸார் தெரிவித்தனர்.

கைப்பற்றப்பட்ட கஞ்சா, பொதி செய்யப்பட்டிருக்கும் பொழுதே பொலிஸாரால் சுற்றி வளைத்து மீட்கப்படுள்ளது.