பேராசிரியர் நிர்மல் மீதான தாக்குதல்: காணொளிகளை கையளிக்குமாறு நீதிமன்றம் உத்தரவு

பேராசிரியர் நிர்மல் ரஞ்சித் தேவஸ்ரீ மீது மேற்கொள்ளப்பட்ட தாக்குதல் சம்பவம் குறித்து விசாரணைகளை முன்னெடுப்பதற்கு தேவையான காணொளிகளை கையளிக்குமாறு 8 தொலைக்காட்சி நிறுவனங்களுக்கு நீதிமன்றம் உத்தரவிட்டுள்ளது.
மகிந்த ராஜபக்சவிற்கு ஆதரவாக கிருலப்பனையில் நடத்தப்பட்ட மேதின கூட்டத்தை பார்வையிட சென்ற, பேராசிரியர் நிர்மல் ரஞ்சித் தேவஸ்ரீ மீது இனந்தெரியாத நபர்களினால் தாக்குதல் மேற்கொள்ளப்பட்டது.

இச்சம்பவம் தொடர்பில் புதுக்கடை இல.3, நீதிமன்றில் அறிக்கை சமர்ப்பிக்கப்பட்டுள்ளது.

இதனையடுத்தே 8 தொலைக்காட்சி நிறுவனங்களுக்கு மேற்கண்டவாறு நீதிமன்றம் உத்தரவிட்டுள்ளது.

பேராசிரியர் நிர்மல் ரஞ்சித் தேவஸ்ரீ மைத்திரிபால சிறிசேன ஆட்சி அமைப்பதற்காக சிறப்பான பங்களிப்பை வழங்கியதுடன் ,மகிந்தவின் ஆட்சிக்கு எதிராகவும் செயற்பட்டார் என்பது குறிப்பிடத்தக்கது.