பசிலுக்கு விளக்கமறியல் நீடிப்பு

முன்னாள் பொருளாதார அபிவிருத்தி அமைச்சர் பசில் ராஜபக்ஷ எதிர்வரும் 20ஆம் திகதி வரை மீண்டும் விளக்கமறியலில் வைக்கப்பட்டுள்ளார்.
திவிநெகும திணைக்கள நிதி மோசடி குற்றச்சாட்டில் கைது செய்யப்பட்டு விளக்கமறியலில் வைக்கப்பட்டிருந்த பசில், இன்று கடுவல நீதவான் நீதிமன்றில் மீண்டும் ஆஜர்படுத்தப்பட்டார்.

இதன்போது கடுவல நீதவான் இந்த உத்தரவைப் பிறப்பித்தார்.

மேலும் பசில் ராஜபக்ஷவுடன் சேர்த்து நீதிமன்றில் ஆஜர் செய்யப்பட்ட முன்னாள் பொருளாதார அபிவிருத்தி அமைச்சின் செயலாளர், திவிநெகும திணைக்கள பணிப்பாளர் மற்றும் சாரதி ஆகியோரும் மீண்டும் விளக்கமறியலில் வைக்கப்பட்டுள்ளனர்.

சுகயீனம் காரணமாக முன்னாள் பொருளாதார அபிவிருத்தி அமைச்சின் செயலாளர் நிஹால் ஜயதிலக நீதிமன்றில் ஆஜராகவில்லை என தெரிவிக்கப்படுகின்றது.