மினி நானஹத்தா

நெய் - ஒரு கப்
சீனி - 2 கப்
மைதா - 3 கப்
ரோஸ் எசன்ஸ் - சில துளிகள்



தேவையானவற்றை தயாராய் வைக்கவும். சீனியை மிக்ஸியில் பொடித்து வைக்கவும்.


ஒரு பாத்திரத்தில் நெய்யையும் சீனியையும் போட்டு நன்றாக நுரைக்க உள்ளங்கையால் தேய்க்கவும். எசன்ஸ் சில துளிகள் சேர்க்கவும்.


அதில் ஒவ்வொரு கப் மைதாவாக போட்டு பிசையவும்.


கலவை கொஞ்சம் உதிரியாக இருக்கும். கடைசியாக 2 தேக்கரண்டி நெய்யை ஊற்றவும். மாவு பால்கோவா பதத்தில் இருக்கும்.


இப்போது இந்த மாவை சுத்தமான தரையில் வைத்து சமமாக பரத்தி விடவும்.


சிறிய அச்சுகள் இருந்தால் அதை வைத்து படத்தில் காட்டியுள்ளபடி மாவின் மேல் அழுத்தி வைத்து அச்சில் உள்ள மாவை தனியே எடுக்கவும்.


அவனை(oven) சூடு செய்யும் முன் ட்ரேயில் ஒரு ப்ரஷ் கொண்டு கொஞ்சம் நெய் தடவவும்.


அந்த ட்ரேயில் அச்சில் வைத்து எடுத்த நானஹத்தாவை கொஞ்சம் இடைவெளி விட்டு பரத்தவும். 150° சூட்டில் அவனில் வைக்கவும்.


நானஹத்தாவை அவ்வப்போது திறந்து பார்க்கவும். பணியாரம் வெள்ளையாக இருக்க வேண்டும். அதே சமயம் மேலே லேசாக வெடிப்புகள் இருக்கும். இதுதான் சரியான பதம். இப்போது தோசை திருப்பிக் கொண்டு நானஹத்தாவை மெதுவாக எடுத்து ஒரு தட்டில் வைத்து ஆற விடவும்.


மீதியுள்ள மாவையும் இவ்வாறே விரும்பிய வடிவில் செய்யவும்.


சுவையான மினி நானஹத்தா ரெடி. ஆறிய பின் டப்பாவில் போட்டு வைக்கவும்.